ازيكم يا حبايب قلبى
*
يارب تكونو مبسوطين ومافيش حدزعلان
*
وربنا يكرمنا الفترة اللى جاية دى ويصلح حال المصريين ومصر كلها بازن الله
انا النهاردة جاية امسى واصبح ع احلى بنات ف فتكات
وامسك ودن كل واحدة فيكم ونتكلم شوية ف حاجات مهمة اوى
عارفين اية دة
ايوووووووووة هوة فستان
و ان شاء الله فستان فرحكم يكون احلى من كدةمليون مرة
بس قبل ما تلبسى الفستان دة اعرفى ان دى اخر نقطة ف المرحلة دة وهتبتدىمراحل كتيرة اوى بعد كدة خلفة وحمل واولاد حاجات كتيرة اوى قبل بئى اى حاجة اناجاية اتكلم معاكم ف المرحلة اللى قبل ما تلبسى الفستان دة
ايوة يا اختىمنك ليها لازم نختار الاول الشخص المناسب لا ومش كدة دة احنا نفحص ونمحص اااااااةمش اى حد ييجى نقول موافقين لا دة انا لازم لازم افكر واتانى كويس جدا ولالالالالالالازم نقلب العريس شمال ويمين عالونجين زى ما بيقولو ف بداية الموضوع طبعا اكيد فيةواحدة زى طنط حشرية او انكل حشرى هوة اللى جاب العريس دة او انتى كنتى ماشية ماشيةلولبية كدة وعجبتية لالالالالا اوعو حد يفهمنى غلط انا اقصد شياكتك ادبك احترامكلبسك كدة يعنى صدقينى كل دة بيبان من نظرة واحدة فيكى مش ماشية تتقصعى هشتك بشتكيا اختى منك ليها
المهم عريس الغفلة احم احماقصد عريس الهنا هيحدد ميعاد وهييجى عندنا البيت امال يعنى هييجى الجنينة واولمقابلة دى بيكون ليها استعدادات ولا عيد اللحمة يا رجالة ومن ثم لازم نستعد لليومدة استعداد مية مية اة بس اموت واعرف اناجبت ومن ثم دى منين؟؟؟هههههههههه يلا مش مهم المهم ان ميطلعش فينا غلطة ولا عيب واحد ونعجبة غصب عن عينة وعين اهلة عشانحتى لو محصلش نصيب يبئى هوة اللى معجبنيش مش العكس اة انا قمر قمر قمر قمر قمرخمسة قمر
المهم بئى انا لتيت كتير صح هنستعدازاى بئى
اقولك انا بئى تستعدى ازاى اناقسمت الموضوع لاكتر من نقطة ازاى يا بت يا رهف
اقولك يا ستى
اول نقطة هنتكلم فيها هية
***البيــــــت***
ايوة البيت
طيب يا اختى وهنعمل اية ف البيت نحطلة ميكبونلبسة فستان ولا اية ؟
اقولك لا يا اختى بطلى استظرافشوية واسمعى لازم البيت يكون منظم تقوليلى ازاى ؟اقولك بصى يا ستى اولاواهم حاجة التنضيف والبساطة بمعنى انى انضف البيت كويساوى امسحة واكنسة المع البراويز الانتيكات الحاجات دى يعنى البيت يكون بيبرق كدةوالبساطة ان وانتى موجودة وتبصى ع الشكل العام كدة متحسيش انك ف ورشة ميت كرسىوميت فاظة لا البساطة حلوة برضو
ولازم البيت يكون فعلا كل حاجة فية ملك ليكميعنى مثلا فية ناس يكونو ع قدحالهم ودة مش عيب العيب اننا نعيش دور مش دورنا هنكونمخادعين ودة غلط ف بداية علاقة نسب لا بالعكس انتى المفروض يكون ليكى الفخر انكباخلاقك واحترامك والبيت دة وجهه ااة بس مش الاساس اللى اى بنى ادم بيحط فية حلمةف شريك حياتة يعنى بلاش نجيب حاجة من عند الجيرانم نكلف روحنا اكتر من طاقتها
اولا عشان مش نغشةوثانيا يعرفنا ع حقيقتنا
ويا يقبل بيا زى ماانا باهلى وبكل حاجة فيا يا يرفض وف الحالتين انا اللى كسبانة انة يا يكون راجليحترمك وواخدك لشخصك وبس يا اما يرفض وانتى اللى كسبانة برضو لانة بتاع مظاهر وكانفاكر تحت القبة شيخ وطمعان
وخليكى فاكرة ان مافيش حد هيتجوز جوز حد تانى ودة كلةف الاخر والاول قسمة ونصيب
وحاجة كمان لازم ناخدبالنا منها ف البيت ريحتة ايوة مش قالبة بصل ع كمكمة ع الخ الخ لا معطر ومش غالىيا بنات هتكون ريحتة حلوة اوى ويا سلام لو شوية ورد حتى لو صناعى ف الفاظة هتدىبهجة كدة ف المكان
***الملابــــس***
طبعا مش عاوزة اقولكم اللبس دة سواء ف عريس او لا حاجة مهمة اوى دة انتى لوحتى نازلة السوبر ماركت اللى تحت بيتكم تجيبى بجنية حاجة بتقفى تختارى ف ساعة هلبسدة ولا دة ولا دة فمابالك بئى بيوم زى دة بس استنى خدىهنا اليوم دة لازم لازم متافوريش ف اللبس يعنى مش تلبسى لبس ملفت اوى محزق وملزقوشغلانة متنيلة وجينس وكدة لا خليكى ف الهادى كدة حاجات اقمشة وبلاش البهرجة الكتير ف الالوان يعنى لونين او تلاتة كفايةاوى وبلاش لفة الطرحة المستفزة اللى ميت طرحة وميت لون وبتمشى كانها حاطة خابور عدماغها دى
طبعا اللبس خروووج مش هنقابلة بلبس البيت
ويا ريت لما نيجى نختار الطقم اللى هنلبسة يكون لونة حلو كدة يمشى مع بشرتنا مش نختار طقم يطفينا ويطلعنا وحشين ومغمقنا كدة
ومهم برضو عدم التجمل والخداع يعنىمكونش بلبس كاجوال والبس حجاب او العكس يعنى الطبيعة احلى بكتير وف كل حاجة وخليةيعرفك ع حقيقتك عشان متخدعهوش ولا يكون ف الموضوع غش لا فهمية طريقتك وبشكل غيرمباشر ومن اول مقابلة
واهم حاجة بئى واللى باكعليها المييييييييييكب الميكب يا بنات فية بنات ما بتصدق وتحط اشى احمر ع اخضر عبتنجانى ع كوسة حاجة تقلب المعدة بصراحة بحجة انها خايفة انها متعجبوش انا بقولكانتى بكدة مش هتعجبية فعلا
مش معنى كلامى انكمتحطيش لا يا ستى حطى بس تحطى ازاى طبعا انتى هتكون عارفة انة جاى قبلها بكام يوممافيش مانع انك تعملى كل يوم باليل لمدة ربع ساعة مسك عصير ليمونة وشوية نشاهتلاقى وشك نور وف اليوم الموعود حطى كحل خفيف مع شوية كريم وزبدة كاكاو صدقينىهتكونى بدررررر وزى ما قلت البساطة والطبيعة احلى بكتير
والضوافر بئى يا بنات والايدين مهمة اوى عند الرجالة ادعكىايدمك بليمونة وابردى ضوفرك بالمبرد ساوويهم كدة وبلاش مانكير عشان الصلاة وكدةورجليكى كمان بحجر من عند عم على وهتكون حمار وحلاوة
وفية نقطة مهمة اوى اووووووووووى اوى بحب ااكد عليهاالبرفان بلاش يا بنات اولا حرام ثانيا ممكن يكون مش بيحب حاجة زى كدة حطى مزيل عرقكريم شبةهتكون احلى بكتير ومدام ماغضبتيش ربنا ان شاء الله ربنا هيسهلهالك
***الآستقبــــال***
ودى حاجة مهمة ومن اهم الحاجاتيعنى بنترك اثر طيب ف النفوس ف حالة الموضوع كمل او لقدر الله لا والابتسامة ف وجةاخيك صدقة
طبعا مين اللى هيستقبل العريس لو ليكى اخكبير او بابا هوة اللى هيفتحو الباب سوا يسلمو علية وع اهلة بابتسامة خفيفة كدةويرحبو بيهم وتيجى مامتك ترحب وتسلم عليهم نفس الشئ واخواتك طبعا
مش معقولة يعنى انتى اللى تفتحى واول ما تشوفية تروحىمتشعبطة ف رقبتة وتقولى عريس يا بووووووووى جوزهولى لا اتقلى يا بت وارسى كدةاومال دة احنا جامدين اوى
طبعا هيستقبلوةوهيدخلوة الصالون الانترية زى ما قلنا ويكون نضيف وريحتة حلوة ومافيش مانع منالورد زى ما قلت هيقعدو ونرحب بيهم برضو بابتسامة خفيفة(منورين يا جماعة والله احنا سعدا بمعرفتكم زارنا النبى )كلام المصريين البلدى الحلو دة
***المأكولات والمشروبات***
اول ما هييجونعزم عليهماتغديتو اتعشيتو يا جماعة طب نجيب غدا عشا عزومة مراكبية يعنى مش معقولة هييجويتطافسو عندكم من اول يوم ولو كدة اطرديهم يا بت ههههههههههههه بهزر بس ف الغالببيكون الموقف كدة .
بعد كدة لو فية بونبونيرةنعزم عليهم بشيكولاتة بنقدم اول حاجة حاجة ساقعة وتكون الكاسات نضيفة ومش مبلولةمية والصينية شيك ونضيفة برضو ومش نيجى نرزعها كدة لا نعدى ع واحد واحد واتفضلونقدم معاها جاتوة كل واحد ف طبق صينى شيك كدة ومعاة الشوكة وشوية ونقدم شاى مع كيك او اى حلويات شوية ونقدمفاكهة وتكون متقطعة ومش ننسى الشوك او المعالق ع حسب يعنى نوع الفاكهة اللىقدمنهاها بتتاكل ازاى وممكن بعد كدة نقدم عصير نيتشيرال
وعامة كل الحاجات دى شكليات المهم ف كل دة شكل الاستقيلبوالراحة النفسية بين الطرفين والقبول ولازم لما نقدم حاجة تكون نضيفة وبتلمعنحسسهم ان البيت دة نضيف وست البيت شاطرة مش معفنة وعاوزة الحرق الواحد يقرف يشرببوق مية
***الكــــلام***
النقطة دى اهم محور من كل اللىفاتو وهنتكلم فالحتة دى ع كل شخصية ف البيت لوحدها
1-بابا طبعا هوة اللى بيتكلمويردمعظم الوقت ويا حبذا لو كان مبستم وشخصيتة لذيذة وبشوش كدة
-2ماما نفس الحكاية ومش لازمتقاطع بابا ف حاجة خالص تحسسهم حتى لو هية مسيطرة ان بابا هوة الامر الناهى عشاناحنا مجتمع شرقى ودى عادات وتقاليد ومينفعش يقولو الست ممشية البيت ع مزاجهاوجوزها طرطور مالوش اى لزمة وهكذا
.ولو ف خلافبينهم مش لازم يظهروة لا بكلام ولا افعال قدام الناس يتصرفو بطبيعة جدا عشانيحسسوة انهم خايفين ع بنتهم وانها جوهرة ويسيبو عندة انطباع بالحاجة اللى المفروضيعامل بيها بنتهم بشكل غير مباشر
3-اخواتك كماندورهم يكون اساسى بس بطريقة مهمشة غير اساسية يعنى يتكلمو ويهزرو بس مش دايما لازميكونو متواجدين هشان يتعرفو علية وع اهلة وهوة واهلة كمان يتعرفو عليهم ولو لاحظوحاجة او تعقيب عليهم يقولوة
4-انتى بئى يا حلوة ايوة يا عروسة يا جمرانتى انتى اهم حاجة ف الليلة دى المفروض اول ما تدلخىتقولى السلام عليكم بخجل كدة وابتسامة خفيفة تسلمى عليهم وتيجى عندة تقولى اهلاوسهلا وبلاش سلام بالايد احنا بنتكسف وعشان يسلم ويمسك الايد لازم تورية النجوم فعز الضهر طبعا
هتقعدى جمب بابا او ماما تكونى هادية ف قعدتك مش قاعدة تهزى فرجلك ولا تلعبى ف صوابعك وتكونى متوترة كدة لالالالالالالا ولا تقعدى تبحلقى فالواد هتاكلية ياماما بعنيكى فين حمرة الخجل
ومشتقعدى تتكلمى وتهزرى كتير لا كونى راسية اوى والضحكة والكلمة بحساب اتكلمى باتيكيتاوى والصوت واطى خالص وكيوت مع ابتسامة
وبلاشتشويح بالايدين واحنا بنتكلم مش بتخطبى حضرتك وبلاش التتنيك وتحطى رجل ع رجلقدامهم عيب من باب الاحترام وخليكى واثقة ف نفسك اوى اوى وحاجة مهمة اوى لو حد بيتكلم بلاش تقاطعية ف الكلام واستنىلما يخلص واتكلمى انتى
وبلاش التطرق لاىخلافات او مشاكل او مواضيع شخصية ف حياتكم جدا المفروض انكم ليكم خصوصية ف بيتكمحتى لو بقيتى مراتة فية حاجات فبيت باباهوة واهلة ميعرفوش بيها ودى نقطة مهمة اوى اوى
وقبل كل شئ البساطة والتواضعوانكم تكون ع طبيعتكم وانك واثقة ف نفسكوف ربنا قبل اى حاجة دى مهمة اوى اوى
واعرفى ان مافيش حد بياخد الا نصيبة ويا ريت قبل ما تقابلية وبعدها تصلىصلاة استخارة وتشوفى نفسك مرتاحة ولا لا وادعى ربنا وقولى (اللهم قرب لىكل ما فية الخير وابعد عنى كل ما فية شر) وخلىعندك ثقة ف ربنا انك كاتبلك الاحسن واستغفرى ربنا وادعيلى كتير وداومى ع الازكارمفعولها رهيب ف اى حاجة ف حياتك كلها
*******************ف نهاية كلامى احب اقولكم انى يا رب اشوفكم احلى واجملعرايس ف الدنيا كلها وربنا يسعدنا جميعا ومنطلعش من السنة دى الا ومخطوبين اومتجوزين اللهم امين ويرزقنا الزرية الصالحة والعيشة الهانئة المطمئنة
ويا رب يكون كلامى افادكم لو فحاجة بسيطة ويا رب مكونش نسيت او اغفلت حاجة مهمة
وانا والله يا بنات تعبت اوى فالموضوع دة يعنى ولا نقلاة ولا جبت كلمة من برة ويشهد ع كدة ربنا
ولو بجد افدتكم يا ريت مش تنسو تصوتولى واللى مشهتصوتلى هجيبها من شعرها وابئى تقابلنى لو اتجوزت ههههههههههههه بهزر
دة انتو حبايبى
يلا ف رعاية الله
والله الموفق والمستعان
بحبكم ف الله جميعا
ⓛⓞⓥⓔ๑رهـــــــف الوجودⓛⓞⓥⓔ๑
الرئيسية 
موضوع: اتيكيت مقابلة العريس 
