2-الفلوووووووس ثم الفلووووس ثم الفلووووس "الفلوس بتيجي عشان تتصرف انما الراجل اللى بنتجوزو جاى عشان يستقر معانا العمر كله فخليكو فى المعقول و قولو الحمد لله "
3-الحووووووووووووار "انتى اتجوزتى خلاص الحمد لله عودى جوزك انكم على الغدا مثلا او اخر النهار او الوقت اللى يناسبكم تحكوا لبعض ايه اللى حصل فى يومكم و علقو على بعض و كده عشان ما تحسوش ان كل واحد فيكم فى وادى"
4-الصرااااااااحه و تصفية القلب "يعنى مثلا حاجه عملها و ضايقتك او مثلا فى العلاقه حاجه فصلتك او انتى عايزة حاجه او مش انبسطى او اى حاجه افتحى بقك و اتكلمى بس اتكلمى مش افضحية يعنى الصوت الهادى و اووووووووعووووو تنامو و انتو زعلانين ابدااااا"
5-الاهل "اهلكو اهلو ليهم حقوق عليكو وافوها لانكم فى يوم هاتبقو حموات برضو فعاملوهم زى ما تحبو تتعاملو و المشاكل اللى بينك و بين جوزك ايااااااكو حد يعرف بيها او يدخل حتى لو بتفكرو لا قدر الله فى الانفصال قررو بينكم لان حد فيكم هيحاول يصلح التانى انما ممكن تدخلو حد يولع الدنيا"
6-ابنك على متربيه وجوزك على متعوديه دى صح جدااا "فعودى جوزك على انو يرضيكي و يتقى ربنا فى نفسو و فيكم واوعى تحاولى تبعديه عن امو بالذات و عشان التعود بياخد فترة فاستحملو اول كام شهر فى الجواز بيكون فيها صعوبات شوية على ما بنتعود على بعض"
7-ادلعى يا موزة و خليه يدلعك "ادلعى بكل الطرق اللى تيجي فى بالك و خلية يدلعك ارميلة بصة او يا سيتى اسهل حاجه البسى قصير و حطى رجل على رجل ومش شرط كل يوم ميك اب و كده لا المهم انتى نفسيا تبقى مرتاحه وهاديه "
8-حصل على فتكات من فترة انو اتقال فى رجاله و صور و كده و الستات خافت اجوازها تعرف نصيحتى عرفى جوزك كل حاجة متخلوش بينكم سر و متخليش يقرا تعليق او يسمع حاجة او غيرو يدخل الشكفى راسةاصلهم مجانين و على شعرة 9- الرسايل "ايون دى بقة البونبناية بتاعت اليوم وهو جنبك يوم الاجازة او وهو فى الشغل ابعتيلو رساله رومانسية اخر حاجة و سيبك من الكلام المنقول انتى احسن واحده تعبرى عن نفسك قصىورقه قلب و اكتبى فيها كلمتين او بوسهبالروج و علقيها على المراية اللى على التسريحه وشوفى هو هايعملك ازاى"
10-الرقية الشرعية بصو الحسد والعين دول اوحش حاجة فى الدنياو بتجيب مشاكل بالهبل و على ما فيش فشغلوها و لما تخرجوا قولو دعاء الخروج من المنزل و انا بزود عليها المعوذتين وايه الكرسى ولو حد سالكو عن احوالكو قولو الحمد لله ماتقولوش وحشة وزفت فتبقو لبانه فى بق و الناس ولا فل و تمام و ده حبيبي و دى قلب و الحوارات دى عشانالحسد يا اخونا ارحمونا بقة
11-قولو الحمد لله من جوه قلبكو و كونو راضين باللى قسمو ربنا لينا و ماتنسوش الصدقة انشاله جنية او بق ميه وخلو ثقتكم بالله كبيرة جدااا و اعرفوا ان ربنا هو اللى خالقنا و هو احن علينا من اى انسان وفعلا كل تاخيرة و فيها خيرة
انا طولت عليكم بس لسة فى تانى لو تحبوا
ربنا يهدى سر كل البيوت و يسترنا و يغنينا بالحلال و يتوب علينا من اى معصية و يغفر لينا و يزيل همومنا و يقربنا ليه
الرئيسية 
موضوع: نصايحى عن تجربة سنه ونص جواز 
